Unser Köln

E kölsch Verzällche: Stadtranderholung

Paula Hiertz · 20.08.2025

twittern

Unser Köln

Oft ist Urlaub in der Ferne nicht so lustig wie Urlaub zuhause. Illustration: Mohamed Hassan (links), TheLittleSeed (rechts) / Pixabay

E kölsch Verzällche - Testen Sie Ihr Kölsch! Es sind Ferien! Die bekannte Mundart-Autorin Paula Hiertz denkt nach über Urlaub früher und heute – natürlich auf Kölsch! Lesen Sie „En de Stadtranderholung noh Bröck“ zum Schmunzeln, Vorlesen und Teilen! #Kölsch, #Verzällche, #Köln, #Literatur, #Reisen, #Urlaub

No sin de Ferie bal widder vörbei un en Häd Puute künnen en der Schull verzälle, wo se en de Ferie hin jefahre odder och jefloge sin. Meer woren immer en der Stadtranderholung.

Dat wor en Müjjelichkeit för ärm Lück ehre Kinder en Art Urlaub ze verschaffe. Doför sin mer vun der Ajrippastroß us en enem Aapetempo nohm Heumat jelaufe, vun wo uns de Stroßebahn bes nohm Bröcker Mauspfad jefahre hät.

Kaum dat die Bahn sich en Bewäjung satz stemmten einer en Leed an, un em Ruppdich sungen allemolde met. Un wat wood jesunge? Volks- un Wanderleeder. Am Bröcker Mauspfad moote mer ussteije un dä Reswääch zo Fooß jon.

Et ehsch krächte mer nen jroße Teller voll Puding. Dat fraut uns ärch, och wann dä bal jede drette Dag anjebrannt wor. Donoh hatte mer nüngzich Minutte Rauh. Dat wor för uns de schlemmste Zick. Lijje bleve, wo uns druuße de Schöckele un ander Spillmüjjelichkeite anlaachten. Noh där Paus kunnte mer uns dann ustobe. Vör dem Röckswääch jov et noch zwei met Botter bestrechene Brüdcher, dann kunnte mer, jetz ävver widder met Jesang un Blei en de Knoche, bes nohm Bröcker Mauspfad zeröckjon.